PANIROI

(3)

T O K K A

Pagodang hu do hubege hatam.  Ingot da, dang na pola mambela si Andorsup au. Alai tangihon dohot denggan. Bukka ruang ni pinggol mi, parrohahan dohot denggan nahudok on, unang gabe mardosa ho sahat tu pinomparmu.

Ondo. Garu holan  ½ jom do iba manisio di emper ni bagas ni halak  nasotinanda an, mulakhulak do iba mandok mauliate. Molo jumpang di sada tingki,  mamolus iba muse sian jolo ni jabunai,  sai nisangahon do manggorahon, manang ni usahahon do manentekhon  tu pekarangan nai, silua nitangan,  songon manghaumauliatehon na hea iba dipaloas manisio di emper ni jabuna i.

 Nirimangan do, aut so dipaloas ra iba  manisio di si, atik na mate margonggong di dalan, alani udan dohot haba-haba na ro tingki i.

Hape ho, aut nikilo manang nitimbang manang pinapapungu  godang ni tem dohot kossingmu di bagas ni amang si Andorsup naung suda gogoan an, ra dang siat be ra di Alparhd mi. Alai laos sodapot rohangku do sahat tu saonari, boasa boi  ganjang  dilam, jala sai talak hian  babam pasahathon naroa dohot akka najorbut, namandok si Andorsup;  narorang, najukkat,  dohot na mansai godang nasohasea pangalahona tu ho,  holan patuduhon, homa naummora, naumburju, naundenggan marpangaloho, dohot sude ma na um naasing.

 Nahudok di si, molo pe adong na holip nian di ateatem pangalaho ni si Andorsup maradophon ho maradop hon jolma na asing an,  unang  pola nian sai marburatak soaram. Orui. 

Panimpuli ni hataon, gomos do dohononhu on tuho, 

“Ia aek sattettek di ari logo, 

ido paulak hosa loja.”