PANIROI

(2)

 MARTINGKI DO SUDE

Martingki do sude. Adongdo sude tikkina. Ia tung hope na mangantusi sude taringot pardalanan adat ni hajolmaon, dohot naung gabe bakke, alai dang gabe guru dokmu di desa na ualu.

Sian nahinan do diondolhon natua-tua, “Sidapot solup do naro”. Ikhon mangantusi do ho di si. “Alana, asing luatna, asing do duhutna.” Ido asa, nang pe denggan do anggo tahim, alai tongdo ikhon mangalap hata, manang marsattabi, boi do manang ndang ho maniroi di ulaon i. Molo na so dipangido suhut i do paniroion, unang sai mengeseng-eseng ho.

Nian,

“ ndang dakdahan simbora, tuktukkan batu,

 gabe ajaran namarroha,tuturan datu”.

Huboto namarroha doho. Siboto uhum do ho. 

Alai atik beha naung pagodang hu diallang ho aliang ni jambar i, ga be mangkurangi parbinotoanmu,  laos lupa ho, na garis ni baoa do siihuthonon di halak Batak, patrineal system ninna par Sosio-Antroplogi. Adong do akka uhum manang ugari na tarsurat di bulu parhalaan, di buku Pustaha, dohot rarat akka na sanga digurithon Omputta, ala maringan dipangulahon ni halak Hita.

 Hudok ma tuho, bege. Unang panangel-nengel, sotung gabe nengel ho haduan. Boto samban.

"Dang teanon ni hudon-hudon gaor-gaor,

tenanon ni hasuhuton harajaon.”