DANG SIPANGGARON AU
Ehe, edakku!
Dang nahuparsoada na so burju
amanta tungganidolikku. Huhatindangkon ma tuho, sahat tu sadarion, holong ni amantakku, soi nama gokna. Mansai timbo
hian. Dipatuduhon do i. Ndang adong na hurang pambaenanna siapari, dohot tu sude anakkon hi. Bertanggungjawab
hian do ibana. Ai rade do sipanganon, parabiton, uang salon, dohot lan na asing, na porlu tu pardagingon on sibaen las nirohangku
lumobi tu anak dohot boruku, ima
dakdanak parbue ni holong nami i.
Tutu do nahudok on!
Aut sugari lomo rohangku, holan goyang-goyang pat pe au di jabu huhut paias-ias bohi, mambege-bege ende, manang manonton sude akka hiburan na di tipi i
laho pasonang-sonang roha, boi do. Ndang adong masalah. Paboihu. Garu, ima nian napinarsitta ni amantakku. Asa botoonmu,
jut do roha ni ibana, molo hula on dohot
an, lumobi ma namarengge-rengge on. Olo do di dok tu au, “Doo, anggo gabe dohot
do ho loja, pola sai lumbaonku akka karejo an?”.
Alani ni i, unang be sai
mulak-hulak ho mandok manang hira namamodai au, taringot tu namartiga-tiga Pancake
Durian on. Songon ni dok
natua-tua :
“ndang dakdahan simboran, tuktukan batu,
ajaran namaroha, tuturan datu.”
Peot di utohutok mi, hatakkon! Ndang na oto manang nahurang roha au. Asa
takkas botoonmu, dang timbo do pe Pusuk
Buhit[1],
nunga malo au marhali-hali taringot tu parngoluon on. Alana mansai bagas do hupikkiri taringot tu ari
marsogot. Aut boi ni rimangan aha nanaeng
masa ari marsogot dohot haduan, tontu songon ni dok
mi ma, patenang-tenangon na ma arian dohot borngin. Aha na suangi, ate?!
Alai satokkin jo..!
Molo huparate-ate hon do
parniulaonmu siapari, sahira namaralo do dohot sipasingot mi na tu au i. Anggot
sitelanmu, soi nama timbona. Gengsim, dang taradu. Alai kenyataanna,
marabbalangan do sude. Songon na ari Minggu
ima, hupanotnoti sian na dao, pola do ½ jom ho manawar ongkos ni Bajaj, ima ala
so sukkup hepeng di bagasan dompetmu. Ijurmu pe holan namarteter-teter ma
mamereng sipanganon na di pinggir dalan i. Huhilala ditaon ho do male sahat tu
jabum, ala dang adong baenonmu manuhor sipanganon i. Marggorokki ma ra butuham
paitte sahat tu jabu. Ipe molo adong…
Hape dibereng ho do takkas, dang songon ho au. Tung pe mar angkot au, disediahon
amantakku mobil na bergengsi
dalan-dalanku. Alai sai huhasomalhon do mar angkutan umum (Angkot) tu gareja. Dibotoho do Alana? Onma :
·
Parjolo . Ai terbatas do bidang ni parkiran di
alaman ni gereja i.
·
Paduahon. Ai ndang na lao pamer hita on tu
gareja, khan?. Nalao marsosialisasi do, jala rap martangiang
tu Debata. Nian sian jabu pe boi do martangiangtu Ibana, alai porlu pajumpang
dohot akka dongan, ido asa ro iba tu gareja.
·
Patoluhon. On ma dalanhu, berempati tu angka dongan, songon dia do bakkol ni akka na mar angkot i.
·
Paopathon, paganjang ma di roham. Na pasti,
diajarhon inongku do au, asa tong serep marparanger. Manang tor takkas ma
hudok, DANG SIPANGGARON AU.
Pangidoanku tuho. Unang be sai
sulikkiti sude akka nah u ulai. Molo lomo roham mangihuthon, humodali pe ho. Gabe
reseller ma. Hudok reseller asa songon na hebat. Hape,
sabotulna marrengge-rengge do lapatanna di hita an. Pangomoan nai annon, nunga boi
baenonmu membiayai aha ma naporlu tu kebutuhuan
mu siapari. Dang sai tedek be tanganmi tu tungga ni dolim. Muse, alai sattabi, huhilala, ra dang pola sahat tu
partongaan ni bulan, gaji ni amantami nunga habis, ate?
***(Beta : Mangula. Mangula.
Mangula.)
Tidak ada komentar:
Posting Komentar